Hr. Guðni Th. Jóhannesson, forseti Íslands

Kynnar kvöldsins voru þau Unnur Hafdís Arnþórsdóttir og Hjálmar Helgi Jakobsson

Jón Hálfdán Pétursson, deildarstjóri unglingastigs, setti athöfnina

Sveinfríður Olga Veturliðadóttir, skólastjóri, flutti ávarp

Fyrir hönd útskriftarnema fluttu systkinin Guðmundur og Sigrún Camilla Halldórsbörn ávarp

Útskriftarnemar buðu upp á tónlistaratriði

Útskriftarhópur 2006 ásamt forseta Íslands

Útskriftarhópur 2006

« 1 af 9 »

Í gærkvöld var Grunnskólanum á Ísafirði slitið í 148. skipti og fór athöfnin fram í Ísafjarðarkirkju, að viðstöddum forseta Íslands, Guðna Th. Jóhannessyni. Forseti ávarpaði nemendur og gesti í upphafi athafnar og færði skólanum bækur að gjöf. Jón Hálfdán Pétursson, deildarstjóri unglingastigs setti athöfnina, en að því loknu tóku kynnar við, þau Hjálmar Helgi Jakobsson og Unnur Hafdís Arnþórsdóttir, nemenda í 9.bekk.

Sveinfríður Olga Veturliðadóttir, skólastjóri, flutti sitt síðasta ávarp sem skólastjóri, en hún lætur nú af störfum eftir 15 ára starf. Þá fluttu systkinin Guðmundur og Sigrún Camilla Halldórsbörn ávarp fyrir hönd útskriftarnema. 

Starfsmenn skólans stigu á stokk og sungu eitt lag og einnig buðu nokkrir útskriftarnemar upp á tónlistaratriði og fluttu lagið ,,Always look at the bright side of life".

Eftirtaldar viðurkenningar voru veittar í 8. og 9. bekk: 

8. bekkur - Elsa Ragnheiður Stefánsdóttir hlaut viðurkenningu Rotary klúbbsins á Ísafirði fyrir ástundun og framfarir. 

9. bekkur - Patrekur Bjarni Snorrason hlaut viðurkenningu Rotary klúbbsins á Ísafirði fyrir ástundun og framfarir.

Eftirtaldar viðurkenningar voru veittar í 10. bekk:

Kvenfélagið Hlíf gaf eftirfarandi viðurkenningar fyrir verk- og listgreinar:

Viðurkenningu fyrir framfarir og vinnubrögð í textílmennt hlaut Sveinfríður Sigrún Stefánsdóttir.

Viðurkenningu fyrir framúrskarandi árangur í heimilisfræði hlaut Tanja Kristín Ragnarsdóttir.

Viðurkenningu fyrir framfarir og vinnubrögð í smíði og hönnun hlaut Ívar Hrafn Ágústsson.

Stöðin Heilsurækt gaf viðurkenningar fyrir góða ástundun og námsárangur í íþróttum. Þær viðurkenningar hlutu Grétar Smári Samúelsson og Tanja Kristín Ragnarsdóttir.

Rotary klúbburinn á Ísafirði veitti viðurkenningu fyrir ástundun og framfarir og hlaut Birta Kristín Ingadóttir hana.

Danska Menntamálaráðuneytið gaf viðurkenningu fyrir góða ástundun og námsárangur í dönsku og hlaut Tanja Kristín Ragnarsdóttir þau verðlaun.

Grunnskólinn á Ísafirði veitti eftirfarandi viðurkenningar:

Viðurkenningu fyrir góða metnað, góða ástundun og námsárangur í íslensku hlaut Unnur Guðfinna Daníelsdóttir.

Viðurkenningu fyrir metnað, góða ástundun og námsárangur í stærðfræði hlaut Sigrún Camilla Halldórsdóttir.

Viðurkenningu fyrir góða ástundun og námsárangur í náttúrufræði hlaut Matilda Harriet Maeekalle.

Viðurkenningu fyrir góða ástundun og námsárangur í samfélagsfræði hlaut Sigrún Camilla Halldórsdóttir .

Viðurkenningu fyrir góða ástundun og námsárangur í ensku hlaut Unnur Guðfinna Daníelsdóttir.

Undanfarin ár hefur Ísfirðingarfélagið í Reykjavík gefið gjöf til minningar um Hannibal Valdimarsson.  Þessi viðurkenning hefur verið veitt nemanda í 10. bekk  fyrir lofsverða ástundun, framfarir í námi og virka þátttöku í félagsstarfi. Í þeim aðstæðum sem nemendur 10. bekkjar hafa þurft að glíma við í vetur var ómögulegt að velja einn eða tvo nemendur til að hljóta þessi verðlaun. Því ákvað stjórn Ísfirðingafélagsins að gefa öllum útskriftarnemum Grunnskólans gjafabréf í Ísafjarðarbíó.

Starfsfólk Grunnskólans á Ísafirði þakkar árgangi 2006 samfylgdina í gegnum árin og óskar þeim velfarnaðar í framtíðinni.

Þriðjudaginn 7.júní verða skólaslit G.Í.

• 1. bekkur mætir í viðtöl með foreldrum
• 2. - 7. bekkur mætir í sínar bekkjarstofur kl. 10:00
• 8.-10. bekkur mætir á skólaslit í Ísafjarðarkirkju kl.20:00

 Verðandi 1. bekkur hittir sína kennara sama dag kl.13:00-14:00 á meðan stjórnendur kynna skólastarfið fyrir foreldrum.

Grunnskólinn á Ísafirði hefur hlotið styrk úr sjóðnum Forritarar framtíðarinnar, sem hefur það hlutverk að efla forritunar- og tæknimenntun í skólum landsins. Í ár styrkir sjóðurinn 18 skóla víðs vegar um landið annars vegar til námskeiða fyrir kennara og hins vegar til kaupa á smátækjum. Velja þurfti úr umsóknum og fengu færri en vildu.

G.Í. hlaut styrk úr báðum flokkum, sem mun nýtast vel við forritunarkennslu á mið- og unglingastigi. Við erum afar þakklát og munum nýta styrkinn vel.

« 1 af 14 »

9.bekkur vann í vetur með geðorðin 10. Í dag skreyttu þau steina með geðorðunum og færðu bæjarbúum góð ráð. Einnig voru þau þýdd yfir á ensku svo ferðamenn gætu einnig fengið að njóta.

Nú fara síðustu skóladagarnir í hönd og biðjum við alla að skila bókum í eigu skólans hið allra fyrsta á skólasafnið.

« 1 af 11 »

Síðastliðinn miðvikudag fór 7.bekkur í heimsókn á golfvöllinn í Tungudal og fékk að kynnast golfíþróttinni. Vel var tekið á móti hópnum og endaði dagurinn á pylsuveislu, sem allir kunnu vel að meta.

« 1 af 12 »

Fjaran við Fjarðarstrætið er mikið nýtt þessa dagana af nemendum skólans. List-og verkgreinakennarar fóru á dögunum með 8.bekkinn í listsköpun í fjörunni úr þeim efnivið sem náttúran býður upp á. Til urðu hin fjölbreyttustu listaverk og voru nemendur einstaklega duglegir og frjóir í sköpuninni.

« 1 af 6 »

Nú í maí fór 10.bekkur Grunnskólans á Ísafirði í skólaferðalag að Bakkaflöt í Skagafirði, ásamt nokkrum starfsmönnum og foreldrum. Hópurinn hafði eitt og annað fyrir stafni og má þar nefna litbolta, þrautabraut, flúðasiglingu, sundferðir og safnaheimsóknir. Matnum var einnig gerð góð skil og runnu kvöldkaffiveitingar frá foreldrum sérlega vel niður í svanga unglinga. Mikil ánægja var með ferðina hjá nemendum og fararstjórum þar sem hópurinn fékk mikið lof hvert sem hann kom.

Árgangurinn er nú á síðustu metrum grunnskólagöngu sinnar og formlegri kennslu lokið hjá þeim. Vorpróf standa nú yfir og að þeim loknum er þeim boðið upp á starfskynningar hjá fyrirtækjum hér í bæ, útivistardag og lokaball. Útskriftin sjálf er svo þriðjudaginn 7.júní n.k. kl. 20:00 í Ísafjarðarkirkju.

« 1 af 4 »

Á dögunum unnu nemendur 9.bekkjar samþætt verkefni í ensku og dönsku sem byggðist á gönguferð um Ísafjörð. Nemendur stofnuðu ferðaskrifstofu, hönnuðu bækling á ensku og dönsku, kort og merki fyrir skrifstofuna, með öllum þeim markaðsupplýsingum sem þarf til að heilla viðskiptavini.

Hver hópur var svo í hlutverki leiðsögumanna og gengu um eyrina ásamt öllum nemendum árgangsins og kynntu það sem fyrir augu bar, á ensku og dönsku. 

Megintilgangur tungumálanáms er að nemendur öðlist alhliða hæfni til að nota tungumálið sem lifandi verkfæri í fjölbreyttum tilgangi og við ólíkar aðstæður. Námið á að veita nemendum tækifæri til að nota málið á skapandi hátt í ræðu og riti, og hefur verkefni þetta svo sannarlega uppfyllt markmið aðalnámskrár að því leyti. Síðast en ekki síst fræddust nemendur heilmikið um bæinn sinn í þessu skemmtilega verkefni.

6.Es flyst í náttúrufræðistofu skólans

6.ES

6.KB flyst í hvíta húsið á neðri hæð, við hliðina á náttúrufræðistofunni

6.KB

6.KB

7.GS og 7.JÓE flytjast saman í dansstofu skólans

7.bekkur

« 1 af 7 »

Í dag var í nógu að snúast vegna staðfestrar myglu á efri hæð gula hússins. Verkefni dagsins var að koma tæplega 70 börnum í 6. og 7. bekk, fyrir í öðrum rýmum skólans og þrífa og flytja flest allt sem þeim fylgir, þ.e. borð, stóla, tölvur, spjaldtölvur, ritföng, skápa og skúffur. Allur pappír var skilinn eftir þar sem ekki er auðvelt að mygluhreinsa hann. Nú sanna spjaldtölvurnar enn og aftur gildi sitt, en hægt er að nálgast flestallar námsbækur sem raf- og hljóðbækur í gegnum þær.

Lendingin var sú að 6. bekkirnir báðir flytjast á neðri hæð hvíta hússins, 7.bekkirnir báðir sameinast í dansstofu skólans og danskennslan flyst í matsalinn. Inngangur þeirra verður því Aðalstrætismegin.

Það var alveg ótrúlegt hvað allt þetta flutningsferli gekk vel og starfsmenn samhentir og lausnamiðaðir. Þeir lyftu svo sannarlega grettistaki og kláruðu þetta verkefni með miklum sóma. Á morgun koma 6. og 7. bekkur aftur í skólann og erum við viss um að vel muni fara um þau í þessum nýju rýmum fram á vorið.