« 1 af 2 »

Ungir hönnunarnemar að störfum. Unnið er að eigin hönnun í þrívíddar forriti, og fylgst með þrívíddarprentaranum að störfum.

Opið hús

• Þriðjudagar 15-19
• Fimmtudagar 15-19

Á þriðjudögum og fimmtudögum er opið frá 15-19. Öllum er velkomið að kíkja við með verkefni og hugmyndir til að fá aðstoð. Það er auðvitað líka velkomið að kíkja við og skoða og kynnast starfseminni. Svavar og Þórarinn skiptast á að sjá um opnunartímann og eru við aðra hverja viku ef fólk vill sérstaklega nýta sérþekkingu þeirra. 

« 1 af 2 »

Skólinn fær oft gjafir og núna kom hugmynd frá foreldrum um að gaman væri að gefa bækur og/eða spil til skólans.

Penninn/Eymundsson er með því með tilboð frá og með deginum í dag og til og með mánudagsins 17. mars þar sem foreldrum og öðrum velunnurum Grunnskólans á Ísafirði gefst kostur á því að kaupa bók og/eða spil fyrir skólann.

Óskalisti yfir þær bækur sem um ræðir er í bókabúðinni og hægt er að skilja þær eftir þar, en auðvitað má koma með þær í skólann. 

« 1 af 8 »

Á lokahátíð Stóru upplestrarkeppninnar sem haldin var á Ísafirði í dag, tóku nemendur frá Grunnskólanum á Ísafirði, Grunnskóla Bolungarvíkur, Grunnskólanum á Þingeyri og Grunnskólanum á Suðureyri þátt. Nemendurnir lásu upp úr bókinni Draumurinn eftir Hjalta Halldórsson, ljóð úr bókinni Allt fram streymir og ljóð að eigin vali.

Freyja Dís Hjaltadóttir frá Grunnskólanum á Þingeyri varð í fyrsta sæti. Í öðru sæti var Iðunn Ósk Bragadóttir frá Grunnskólanum á Ísafirði og í þriðja sæti Anna Ásgerður Hálfdánsdóttir frá Grunnskólanum á Ísafirði.

Hinrik Elí Ómarsson, nemandi í Grunnskólanum á Ísafirði var með tónlistaratriði.

Keppnin var mjög spennandi og nemendurnir stóðu sig allir vel. Hafdís Gunnarsdóttir var kynnir keppninnar. Dómarar keppninnar voru Heiðrún Tryggvadóttir, Tinna Ólafsdóttir, Jóhanna Ása Einarsdóttir, Eiríkur Örn Norðdahl og Ólafur Guðsteinn Kristjánsson. Penninn/Eymundsson og Landsbankinn gáfu verðlaunin að þessu sinni.

3.bekkur er að vinna verkefni um geiminn. Unnið með akríl tússum á svartan bakgrunn. Unnið með dýpt og hreyfingu í geimnum.

« 1 af 4 »

Mikið stuð var í dag á böllunum. Það var mikill metnaður lagður í búninga og krakkarnir spenntir að fara út í daginn að fá nammi. 

Á morgun er Maskadagur og eins og venjulega þá höldum við ball hérna í skólanum. Það er engin sundkennsla á morgun.

1. - 3. bekkur  - 8.20 - 9.10

4. og 5. bekkur - 10.00 - 10.40

6. og 7. bekkur - 13.10 - 13.40

Hvetjum alla til að mæta í búning. 

Á hverju ári fara nemendur 7. bekkjar í skólabúðir að Reykjum í Hrútafirði. Það er mikil spenna fyrir þessari ferð og það er hefð fyrir því að krakkarnir kynni sína ferð fyrir nemendum 6. bekkjar þegar skólakeppni Stóru upplestrarkeppninnar fer fram. Þessi hópur vann að kynningu fyrir 6.bekk.

« 1 af 4 »

Venju samkvæmt á þessum árstíma þá er Stóra upplestrarkeppnin. 

Keppnin á fastan sess í skólanum hjá okkur og hafa nemendur 7. bekkjar verið að æfa sig mikið undanfarið. 

Í síðustu viku kepptu krakkarnir í sínum bekkjum og svo í dag voru 16 nemendur sem lásu ljóð og texta úr bók fyrir 6. bekkinga, foreldra og forráðamenn. 

Þeir nemendur sem munu keppa fyrir hönd skólans eru Anna Margrét Gísladóttir, Anna Ásgerður Hálfdánsdóttir, Elna Kristín Líf Karlsdóttir,  Esja Rut Atladóttir, Gabríela Rún Rodriguez, Guðrún María Johanson, Iðunn Ósk Bragadóttir, Katrín Dalía Daníelsdóttir, Sunna Adelía Stefánsdóttir, Ylfa K. Rósinkara Tómasdóttir, 

Dómarar að þessu sinni voru Herdís Hübner, Kristín Svanhildur Ólafsdóttir og Rannveig Halldórsdóttir. Lokakeppnin fer fram í Hömrum í mars.

Þessa vikurnar er í gangi bókaklúbbur á bókasafninu. Klúbburinn á við bækurnar um Heyrðu Jónsa og Binnu Bjarna og til að taka þátt fær barnið lítið hefti sem er merkt með nafni og bekk. Inni í heftinu eru ferningar og fyrir hverja lesna bók getur barnið valið sér mynd í stíl við myndina á kápunni á bókinni sem er lesin.
Litla myndin er svo límd inn í heftið. Bækurnar um Jónsa og Binnu Bjarna eru mjög margar og afar vinsælar, enda hefur klúbburinn slegið í gegn nú þegar.

4. bekkur er að vinna í flettibókunum sínum.

Þau efla hér sjálfstæði í vinnubrögðum og hleypa hugmyndafluginu af stað með því að gera hreyfimyndasögur með teikningu og litum.