Laugardaginn 14. apríl verður haldið Grunnskólamót Íslands í glímu í íþróttahúsinu á Torfnesi fyrir nemendur í 5. - 10. bekk.  Rúmlega 80 nemendur hafa nú þegar skráð sig og eru um 30 þeirra frá Grunnskólanum á Ísafirði. Mótið hefst kl. 10:00 og áætlað að það standi til kl. 13:00. Við hvetjum alla til að mæta og standa við bakið á okkar fólki og bendum á að 10. bekkur verður með veitingasölu á staðnum í fjáröflunarskyni fyrir vorferðalagið.

Allar nánari upplýsingar má finna hér á heimasíðu Glímusambands Íslands.

Það hefur verið að nóg að gera í íþróttum hjá unglingunum okkar undanfarið. Unglingameistaramót Íslands á skíðum var haldið hér fyrir páska og lönduðu Ísfirðingar nokkrum meistaratitlum. Jóhanna María Steinþórsdóttir sigraði í  5 km skíðagöngu 13-14 ára stúlkna og í flokki 15-16 ára sigraði Elena Dís Víðisdóttir. Í 5 km göngu drengja 13-14 ára sigraði Guðmundur Sigurvin Bjarnason og einnig með hefðbundinni aðferð. Hákon Jónsson sigraði bæði í 7,5 km göngu 15-16 ára og með hefðbundinni aðferð.  Í tvíkeppni á gönguskíðum voru úrslitin einnig eftir bókinni, en þar sigruðu Hákon, Elena Dís, Guðmundur og Jóhanna María sína flokka. Í 4 x 1,2 km boðgöngu sigraði sveit 6 með þá Hákon Jónsson og Dag Benediktsson innanborðs og sveit 2, en í henni voru Elena Dís Víðisdóttir og Arna Kristbjörnsdóttir. 

Á skíðamóti Íslands sem haldið var á Akureyri varð Elena Dís svo í 3. sæti í sprettgöngu og í 2. sæti í göngu með frjálsri aðferð. Elena gerði sér svo lítið fyrir og varð Íslandsmeistari í hefðbundinni göngu kvenna.

Í sprettgöngu Craftsport sem haldin var við upphaf skíðavikunnar, sigraði Elena Dís og varð sprettdrottning.

Elín Ólöf Sveinsdóttir, leikmaður 3. flokks BÍ var valin á úrtaksæfingar U-16 landsliðsins helgina 24. og 25. mars í Kórnum í Kópavogi og í Egilshöll. Hún mun svo vera í eldlínunni í sumar með nýstofnuðum meistaraflokki kvenna, sem spilar í 1.deild.
 

Svokölluð ,,Big jump" keppni var haldin á Seljalandsdal á skírdag, en þar var keppt í stökkum á snjóbrettum. Elvar Ari Stefánsson sigraði í þeirri keppni, þannig að greinilegt er að Ísafjörður á svo sannarlega nóg af ungum og hæfileikaríkum unglingum.

Það hefur verið líf og fjör í skólanum síðustu daga. Kátum dögum lauk nú um hádegið, þegar allir nemendur og starfsfólk söfnuðust saman á Silfurtorgi ásamt mörgum bæjarbúum og sungu og dönsuðu lagið La Dolce Vita við undirleik hljómsveitar úr 10. bekk. Að því loknu marseruðu allir yfir á skólalóð og gæddu sér á grilluðum pylsum áður en þeir héldu í páskaleyfi.

Fjölmiðlahópurinn hefur verið á fullu í morgun að taka myndir og myndbönd út um allan skóla. Myndirnar eru nú allar komnar hér inn á myndasafn síðunnar og myndböndin er hægt að nálgast hér fyrir neðan, auk þess sem kominn er nýr tengill hér vinstra megin undir heitinu myndbönd.

Starfsfólk skólans þakkar nemendum fyrir frábæra daga og óskar öllum gleðilegra páska.
Skólastarf hefst að páskaleyfi loknu þriðjudaginn 10. apríl.

Dansað á Silfurtorgi

Myndband Auðar og Jóhönnu

Myndband Friðriks og Áskels

Myndband Lovísu og Arneyjar

Myndband Tryggva Leós og Kristófers Levís

Myndband Finneyjar og Bjarkar

Fréttamennirnir Auður Líf og Jóhanna

Í dag vorum við í fjölmiðlahópnum, við fórum á allar stöðvar að taka myndir,myndbönd og viðtöl.Við fengum  tvær lummur,bakað brauð yfir eldi og lærðum dans við lag eftir Pál Óskar og nú erum við að fara út á torg að dansa og syngja  svo endar allt með grilli og látum !

Auður Líf og Jóhanna

Fréttamennirnir Lovísa Ósk og Arney Urður

Í dag vorum við í fjölmiðlahóp og fórum og tókum upp myndband og viðtal við nokkra hópa. Við heimsóttum krakkana sem voru í ljóðastofunni svo fórum niður og töluðum við föndurhópinn og svo var leiðinni haldið á Austurveg að horfa á krakkana á leikjastöðinni gera alsskonar þrautir með bolta og hafa gaman.

Lovisa & Arney

Fréttamennirnir Friðrik og Áskell

Við Friðrik og Áskell vorum í fjölmiðlahóp í dag svo að við fengum myndavél og myndatökuvél. Við byrjuðum að horfa á krakkana dansa niðri í nýja skóla og tókum myndir og viðtöl. Svo fórum við á eldstöð og bökuðum brauð á priki við eld. Auk þess kíktum við í blómagarðinn, tókum viðtal og margt fleira. Allir skemmtu sér
vel.

Áskell og Friðrik

Fréttamennirnir Finney og Björk

Hæ, við  heitum Finney og Björk. Við erum í 9.bekk og 2.bekk.

Okkur fannst mjög gaman í fjölmiðlahóp, sérstaklega með svona skemmtilegum kennurum.

Í dag fórum við með myndatökuvél út í Hamra og út á gervigrasvöll. Þetta hafa verið spennandi  dagar og við munum enda þetta á grilli, söng og dansi. Það var gaman að breyta svona til og gera eitthvað annað en að sitja og læra.

Takk fyrir okkur, Finney og Björk.

Fréttamennirnir Sigurður Bjarni og Særún Thelma

Við fórum og tókum myndir af krökkunum dansa við lagið La Dolce Vita. Svo tókum við líka myndir af krökkum úti í blómagarði í leikjum með Nonna og svo voru Árni og Guðfinna með krakka í leikjum fyrir utan sundlaugina. Við fórum upp á loft í Sundhöllinni og tókum eina eða tvær myndir þar og krakkarnir voru að skrifa sögur. 

Særún Thelma og Sigurður Bjarni.

Fréttamennirnir Kristófer Leví og Tryggvi Leó

Í dag erum við búnir að vera í fjölmiðlahópnum og sjá mikið. Við fórum á eldstöðina 2 sinnum. Í fyrra skiptið vorum við með myndavél og tókum fullt af myndum. En í seinna skiptið vorum við með myndatökuvél og tókum mörg viðtöl. Við tókum myndband af lummugerðinni og fengum lummur sem við gerðum, þær voru mjög góðar. Eftir það fórum við í náttúrufræðistofunna og tókum myndband af  rafstöðutæki sem gaf manni straum.

Kristófer og Tryggvi Leó

Fréttamenn dagsins

Nú er fyrri þemadegi lokið og vonandi allir glaðir og sáttir. Fréttamenn fjölmiðlahóps hafa haft nóg fyrir stafni í dag líkt og aðrir. Þeir fóru á milli stöðva, tóku viðtöl, myndir og myndbönd og má sjá hluta afrakstursins hér fyrir neðan og inni á myndasíðu skólans.

Fyrir morgundaginn væri gott að nemendur æfðu texta lagsins La Dolce Vita sem allir ætla að syngja saman á morgun. Textann má finna hér: http://grisa.isafjordur.is/ymis_skjol/skra/58/

Myndband Arnórs Gísla

Myndband Hafdísar