VALMYND ×

Fréttir

Kátir dagar

Það hefur verið líf og fjör í skólanum síðustu daga. Kátum dögum lauk nú um hádegið, þegar allir nemendur og starfsfólk söfnuðust saman á Silfurtorgi ásamt mörgum bæjarbúum og sungu og dönsuðu lagið La Dolce Vita við undirleik hljómsveitar úr 10. bekk. Að því loknu marseruðu allir yfir á skólalóð og gæddu sér á grilluðum pylsum áður en þeir héldu í páskaleyfi.

Fjölmiðlahópurinn hefur verið á fullu í morgun að taka myndir og myndbönd út um allan skóla. Myndirnar eru nú allar komnar hér inn á myndasafn síðunnar og myndböndin er hægt að nálgast hér fyrir neðan, auk þess sem kominn er nýr tengill hér vinstra megin undir heitinu myndbönd.


Starfsfólk skólans þakkar nemendum fyrir frábæra daga og óskar öllum gleðilegra páska.
Skólastarf hefst að páskaleyfi loknu þriðjudaginn 10. apríl.

Dansað á Silfurtorgi

Myndband Auðar og Jóhönnu

Myndband Friðriks og Áskels

Myndband Lovísu og Arneyjar

Myndband Tryggva Leós og Kristófers Levís

Myndband Finneyjar og Bjarkar

 

Þemadagar - föstudagur

Fréttamennirnir Auður Líf og Jóhanna
Fréttamennirnir Auður Líf og Jóhanna

Í dag vorum við í fjölmiðlahópnum, við fórum á allar stöðvar að taka myndir,myndbönd og viðtöl.Við fengum  tvær lummur,bakað brauð yfir eldi og lærðum dans við lag eftir Pál Óskar og nú erum við að fara út á torg að dansa og syngja  svo endar allt með grilli og látum !

Auður Líf og Jóhanna

Þemadagar - föstudagur

Fréttamennirnir Lovísa Ósk og Arney Urður
Fréttamennirnir Lovísa Ósk og Arney Urður

Í dag vorum við í fjölmiðlahóp og fórum og tókum upp myndband og viðtal við nokkra hópa. Við heimsóttum krakkana sem voru í ljóðastofunni svo fórum niður og töluðum við föndurhópinn og svo var leiðinni haldið á Austurveg að horfa á krakkana á leikjastöðinni gera alsskonar þrautir með bolta og hafa gaman.

Lovisa & Arney

Þemadagar - föstudagur

Fréttamennirnir Friðrik og Áskell
Fréttamennirnir Friðrik og Áskell

Við Friðrik og Áskell vorum í fjölmiðlahóp í dag svo að við fengum myndavél og myndatökuvél. Við byrjuðum að horfa á krakkana dansa niðri í nýja skóla og tókum myndir og viðtöl. Svo fórum við á eldstöð og bökuðum brauð á priki við eld. Auk þess kíktum við í blómagarðinn, tókum viðtal og margt fleira. Allir skemmtu sér
vel.

 

Áskell og Friðrik



Þemadagar - föstudagur

Fréttamennirnir Finney og Björk
Fréttamennirnir Finney og Björk

Hæ, við  heitum Finney og Björk. Við erum í 9.bekk og 2.bekk.

Okkur fannst mjög gaman í fjölmiðlahóp, sérstaklega með svona skemmtilegum kennurum.

Í dag fórum við með myndatökuvél út í Hamra og út á gervigrasvöll. Þetta hafa verið spennandi  dagar og við munum enda þetta á grilli, söng og dansi. Það var gaman að breyta svona til og gera eitthvað annað en að sitja og læra.


Takk fyrir okkur, Finney og Björk.

Þemadagar - föstudagur

Fréttamennirnir Sigurður Bjarni og Særún Thelma
Fréttamennirnir Sigurður Bjarni og Særún Thelma

Við fórum og tókum myndir af krökkunum dansa við lagið La Dolce Vita. Svo tókum við líka myndir af krökkum úti í blómagarði í leikjum með Nonna og svo voru Árni og Guðfinna með krakka í leikjum fyrir utan sundlaugina. Við fórum upp á loft í Sundhöllinni og tókum eina eða tvær myndir þar og krakkarnir voru að skrifa sögur. 


Særún Thelma og Sigurður Bjarni.

Þemadagar - föstudagur

Fréttamennirnir Kristófer Leví og Tryggvi Leó
Fréttamennirnir Kristófer Leví og Tryggvi Leó

Í dag erum við búnir að vera í fjölmiðlahópnum og sjá mikið. Við fórum á eldstöðina 2 sinnum. Í fyrra skiptið vorum við með myndavél og tókum fullt af myndum. En í seinna skiptið vorum við með myndatökuvél og tókum mörg viðtöl. Við tókum myndband af lummugerðinni og fengum lummur sem við gerðum, þær voru mjög góðar. Eftir það fórum við í náttúrufræðistofunna og tókum myndband af  rafstöðutæki sem gaf manni straum.

 

Kristófer og Tryggvi Leó

Kátir dagar

Fréttamenn dagsins
Fréttamenn dagsins

Nú er fyrri þemadegi lokið og vonandi allir glaðir og sáttir. Fréttamenn fjölmiðlahóps hafa haft nóg fyrir stafni í dag líkt og aðrir. Þeir fóru á milli stöðva, tóku viðtöl, myndir og myndbönd og má sjá hluta afrakstursins hér fyrir neðan og inni á myndasíðu skólans.

Fyrir morgundaginn væri gott að nemendur æfðu texta lagsins La Dolce Vita sem allir ætla að syngja saman á morgun. Textann má finna hér: http://grisa.isafjordur.is/ymis_skjol/skra/58/


Myndband Arnórs Gísla

 

Myndband Hafdísar

 

Þemadagar - fimmtudagur

Fréttamennirnir Hafdís Bára og Arnór Gísli
Fréttamennirnir Hafdís Bára og Arnór Gísli

Við erum búin að taka viðtöl við krakka og myndir og myndbönd vegna þemadaganna. Við lögðum mikla vinnu í myndböndin og verður hægt að sjá þau hér á síðunni.

 

Arnór Gísli og Hafdís Bára

Þemadagar - fimmtudagur

Fréttamennirnir Ísak Andri, Sigrún Brynja og Tryggvi
Fréttamennirnir Ísak Andri, Sigrún Brynja og Tryggvi

Í dag var mjög gaman en ekki of erfitt en  samt mjög gaman. Við tókum viðtöl við kennara og krakka og það var mjög gaman að horfa á tilraunirnar. Við spurðum hvað væri gert og hvort það væri gaman. Margir sögðu já.

Tryggvi, Ísak Andri og Sigrún Brynja