Fréttamennirnir Hjörtur Ísak og Þráinn Ágúst

Í dag fórum við á þemadaga hjá G.Í. Við vorum fréttamenn og við tókum viðtal við þrjá hópa og tókum upp fimm vídeó af öðrum hópum.

Hjörtur Ísak og Þráinn

Fréttamennirnir Kolmar og Maríanna

Í skólanum eru þemadagar og krakkarnir eru allir á stöðvum og að fikta við allskonar hluti eins og  náttúrufræðitilraunir og fleira. Þá er verið að setja allskonar efni í vatn og láta það breyta um lit. Þau virtust öll hafa gaman eins og einn nemandinn sagði og flestir virtust vera ánægðir með hópana. Svö kíktum við út á krakkana í lummubakstri. Ekki voru allir ánægðir með hópana en flestir virtust allavega hafa gaman og eins og einn sagði  besti parturinn var að borða lummurnar og það hafi bjargað deginum. Það var líka dansað og sungið og farið í leiki úti. Það var líka hlustað á sögur og klætt sig í búninga. Þetta heldur áfram á morgun og allskonar önnur störf og leikir verða þá.

Kolmar og Maríanna

Fimmtudaginn 29. og föstudaginn 30. mars verða þemadagar í skólanum undir yfirskriftinni Kátir dagar. Þessa tvo síðustu daga fyrir páskaleyfi verður hefðbundið skólastarf stokkað upp og nemendum skipt í 28 hópa, þvert á árganga. Unnið verður í stöðvavinnu við fjölbreytt verkefni bæði úti og inni s.s. tilraunir, lummubakstur, dans, tónlist, ljóð, leiki, þrautir, fréttaflutning o.fl.
Kátum dögum lýkur svo um hádegið á föstudag þegar allir nemendur safnast saman á Silfurtorgi og stíga dans og marsera svo aftur að skólanum og snæða saman undir berum himni. Nú er bara að vona að veðurguðirnir verði okkur hliðhollir.

Svandís Anna Sigurðardóttir kennari og Málfríður Arna Helgadóttir í 10.BH

Kjartan Daníel Helgason og Gísli Steinn Njálsson í 5.AY

« 1 af 2 »

Þar sem páskaleyfi er rétt handan hornsins var ákveðið að hafa svokallaðan gulan dag í skólanum í dag. Allir voru hvattir til að klæðast einhverju gulu og var heldur betur bjart yfir skólanum, þó svo að ekki hafi tekist að laða fram sólina í þetta skiptið.

Í vetur höfum við verið svo heppin að hafa Svandísi Önnu Sigurðardóttur kynjafræðing í kennarahópnum. Hún hefur kennt kynjafræði í 10. bekk frá því í janúar og er það trúlega einsdæmi hér á landi að kynjafræði sé kennd í grunnskóla af sérmenntuðum kynjafræðingi. Svandís hefur skrifað grein um kynjafræðikennslu sína við skólann og hvetjum við alla til lesa hana, en hana má finna hér http://www.bb.is/Pages/82?NewsID=173989.

Nú fer í hönd síðasta vikan fyrir páskaleyfi með tilheyrandi páskaföndri. Krakkarnir í 3. bekk eru að læra almenn brot í stærðfræðinni og nýttu tækifærið til að gera myndverk úr brotum og notuðu 1 heilan, ½ , ¼ og  1/8 úr hring. 

7. bekkur við eldamennsku á skólalóðinni

5. bekkur í Jónsgarði

« 1 af 5 »

Í vetur hefur hvert tækifæri verið nýtt til útikennslu í ýmsum námsgreinum. Matreiðsla er þar engin undantekning og hafa nemendur tekið því fegins hendi að elda eitthvað heitt og gott utandyra. Oftast hefur verið farið upp í Jónsgarð þar sem hlóðum hefur verið komið upp á öruggum stað, en einnig hafa nemendur nýtt sér skólalóðina eins og sjá má á meðfylgjandi myndum.

Síðastliðinn fimmtudag var lokahátíð Stóru upplestrarkeppninnar í Hömrum. Nemendur í 7. bekk grunnskóla á norðanverðum Vestfjörðum tóku þátt og hafa æft stíft frá því að keppnin var sett á Degi íslenskrar tungu þann 16. nóvember s.l.

Sigurvegari þetta árið varð Alda Marín Ómarsdóttir frá Súðavíkurskóla. Í öðru sæti lenti Natalía B. Snorradóttir frá Grunnskólanum á Þingeyri og Hákon Ernir Hrafnsson frá G.Í. hafnaði í þriðja sæti. Dómarar voru þau Daðey Einarsdóttir, Elfar Logi Hannesson, Halldóra Björnsdóttir og Kristín Ósk Jónasdóttir.

Við óskum vinningshöfum og öllum öðrum þátttakendum innilega til hamingju með góðan árangur.

Stúlknakórinn Hróðný

Kynnar voru þau Melkorka Ýr Magnúsdóttir og Helgi Snær Bergsteinsson

« 1 af 2 »

Fjöldi manns sótti menningarkvöld hjá 10. bekk í sal skólans í kvöld. Nemendur sýndu hæfileika sína í  söng, hljóðfæraleik, dansi, ljóðalestri á dönsku, spænsku og pólsku auk þess sem boðið var upp á myndlistarsýningu. Í hléi var gestum svo boðið upp á kaffihlaðborð. 

Auk þeirra sem stigu á svið komu fjölmargir nemendur að undirbúningi á einn eða annan hátt. Ágóði af kvöldinu verður nýttur í vorferð 10. bekkjar undir lok skólaársins.

Á morgun, fimmtudaginn 22. mars fer lokahátíð Stóru upplestrarkeppninnar fram í Hömrum. Nemendur úr 7. bekk frá flestum skólum á norðanverðum Vestfjörðum munu þar keppa í upplestri á sögubrotum og ljóðum.
Frá G.Í. eru sex fulltrúar, þau Elías Ari Guðjónsson, Eva Rún Andradóttir, Hákon Ernir Hrafnsson, Linda Marín Kristjánsdóttir, Ólöf Dagmar Guðmundsdóttir og Sonia Ewelina Mazur. Til vara verða þau Birta Dögg Guðnadóttir og Sigurður Arnar Hannesson.

Hátíðin hefst kl. 20:00 og hvetjum við alla til að koma og hlýða á góðan upplestur og standa þannig við bakið á okkar fólki.