Kennslu lýkur kl. 13:50 í dag og er síðasta ferð með strætó kl. 14:00.

Vegna versnandi veðurspár verður síðasta ferð með strætó kl. 14:00 í dag og verður allri kennslu lokið þá. Tómstundarútan fer ekki til Bolungarvíkur og einnig fellur niður kennsla í Tónlistarskóla Ísafjarðar eftir kl. 14:00.

Það er ekkert lát á viðvörunum vegna óveðurs og er nú gul viðvörun í gildi fyrir allt landið á morgun. Foreldrar eru hvattir til að fylgjast með veðurspám og fréttum af veðri, en skóla verður ekki aflýst nema tilmæli komi frá Almannavörnum eða lögreglu. Komi ekki tilmæli frá Almannavörnum eða lögreglu verða foreldrar að meta hvort óhætt sé að börn þeirra sæki skóla. Ef foreldrar hafa börn sín heima þá skulu þeir tilkynna skólanum um það og lítur skólinn á slík tilvik sem eðlileg forföll. Hið sama gildir ef foreld­rar lenda í vandræðum á leið sinni til skóla og verða frá að hverfa.

Veðurspáin fyrir morgundaginn er lítið spennandi, þar sem gert er ráð fyrir snjókomu og suðvestan 18-25 m/s í fyrramálið, en 13-20 eftir hádegi. Gefin hefur verið út appelsínugul viðvörun sem er í gildi til kl. 18:00 á morgun.

Við minnum því á að Ísafjarðarbær hefur gefið út viðmið um hvenær loka eigi stofnunum vegna  óveðurs. Þar kemur m.a. fram að stofnunum bæjarins sé ekki lokað nema algjöra nauðsyn beri til og getur forstöðumaður lokað stofnun af einni eða fleirum af eftirtöldum ástæðum:

• Tilmæli frá almannavörnum eða lögreglu
• Rafmagnsleysi kemur í veg fyrir að hægt sé að halda stofnuninni opinni
• Ófærð er svo almenn að ekki næst að kalla til lágmarksfjölda starfsmanna til að halda a.m.k. skertri þjónustu. 

Foreldrar eru hvattir til að fylgjast með veðurspám og fréttum af veðri.  Skóla verður ekki aflýst nema tilmæli  komi frá Almannavörnum eða lögreglu. Komi ekki tilmæli frá Almannavörnum eða lögreglu verða foreldrar að meta hvort óhætt sé að börn þeirra sæki skóla. Ef foreldrar hafa börn sín heima þá skulu þeir tilkynna skólanum um það og lítur skólinn á slík tilvik sem eðlileg forföll. Hið sama gildir ef foreld­rar lenda í vandræðum á leið sinni til skóla og verða frá að hverfa.

Strætisvagnar Ísafjarðarbæjar hafa tekið í notkun talhólfsnúmer, 878-1012,  þar sem fram kemur hvort og þá hvaða ferðir falla niður. 

Foreldrar eru einnig hvattir til að fylgjast vel með  á heimasíðu almannavarna.

Strætóferðin kl. 13:30 í dag fellur niður, verður bara ferð kl. 14:00. Nemendur sem áttu að fara kl 13:30 bíða á skólabókasafninu til 14. Þetta er gert vegna ófærðarinnar, en mokað verður fyrir strætóinn kl. 14.

Við óskum ykkur öllum gleðilegs árs og þökkum fyrir gott samstarf á liðnum árum. Kennsla hefst þriðjudaginn 7.janúar samkvæmt stundaskrá, en á mánudaginn 6.janúar er starfsdagur.

Nú hefur nýtt fréttabréf verið gefið út og má nálgast það hér.

Um leið viljum við óska öllum gleðilegrar jólahátíðar, árs og friðar. Kennsla hefst á nýju ári þriðjudaginn 7. janúar 2020.

Litlu jólin verða haldin hátíðleg hjá okkur á morgun en þá er skóladagur frá kl. 9:00 til 12:00. Strætó fer þá kl. 8:40 úr Firðinum og Hnífsdal og heim aftur kl. 12:05. Nemendur mæta prúðbúnir og eiga notalega samverustund með sínum bekkjarfélögum og umsjónarkennurum og einnig verður sungið og gengið í kringum jólatréð. 

Dægradvöl verður opin frá kl. 12:00 og fá börnin að borða þar og eiga þau öll að mæta í Sundhöllina.

Að loknum litlu jólum hefst jólaleyfi sem stendur til 6. janúar, sem er starfsdagur. Kennsla hefst því aftur þriðjudaginn 7.janúar 2020.

« 1 af 2 »

Í morgun bauð skólinn öllum nemendum og starfsfólki upp á kakó og kex úti í frímínútum. Eiríkur og hans vaska starfsfólk í mötuneytinu var ekki lengi að hita kakóið ofan í rúmlega 400 manns. Stemningin sem skapaðist í portinu hjá okkur var notaleg þar sem jólalögin ómuðu á meðan allir yljuðu sér á heitu kakóinu.

Á morgun mun draga úr vindi og úrkomu og veður því ganga niður hægt og rólega. Við gerum ráð fyrir hefðbundnu skólahaldi  en fylgjumst vel með og látum vita ef eitthvað breytist. Við minnum á upplýsingasíma strætó sem er 878-1012 og nauðsyn þess að börnin séu með endurskinsmerki og vel klædd.

Ef foreldrar ákveða að hafa börn sín heima, þá er nauðsynlegt að tilkynna það símleiðis í fyrramálið.