Elfar Logi í gerfi Grettis Ásmundarsonar. Mynd: Kómedíuleikhúsið.

Kómedíuleikhúsið sýndi nemendum unglingastigs nýjasta verk sitt, Gretti, síðastliðinn fimmtudag. Elfar Logi Hannesson fór þar yfir sögu Grettis sterka Ásmundssonar og er óhætt að segja að hann hafi farið á kostum og hélt hann athygli unglinganna óskiptri allan tímann.

Grettir sterki Ásmundarson þótti ódæll í uppvexti sínum, fátalaður og óþýður, bellinn bæði í orðum og tiltektum en fríður maður sýnum. Mikill kappi á velli og svo sterkur að hann bar naut á herðum sér. Lagði hann og bjarndýr sem berserki og meira að segja drauginn Glám. Hann var loks útlægur ger, eins og segir á síðu Kómedíuleikhússins. 

Nemendur 8.bekkjar fá vænan skammt af fornsögunum á þessum vetri, þar sem þeir eru búnir að lesa Egils sögu og eru að lesa Laxdælu, auk þess að fá þessa innsýn í sögu Grettis.

« 1 af 4 »

Þorrablót 10. bekkinga sem haldið var s.l. föstudag, tókst mjög vel í alla staði, en þar skemmtu nemendur, foreldrar og starfsmenn skólans sér saman. Hefðbundinn þorramatur var á borðum, þar sem hver og ein fjölskylda kom með sitt eigið trog samkvæmt venju. Skemmtiatriði voru ekki af verri endanum, en á meðal atriða var sundsýning feðra sem vakti mikla lukku og einnig brugðu kennarar á leik.

Að borðhaldi loknu var stiginn dans og augljóst að nemendur höfðu æft mjög vel undanfarnar vikur og dönsuðu af mikilli snilld.

Þorrablót 10. bekkjar verður  haldið á morgun, föstudaginn 23. janúar kl. 20 á sal skólans. Skemmtiatriði verða í höndum foreldra og starfsmanna skólans, sem hafa unnið að undirbúningi síðustu vikur. Einnig hafa nemendur æft gömlu dansana af kappi, þannig að búast má við frábæru kvöldi.

Pétur Ernir Svavarsson og Hilda María Sigurðardóttir sigruðu söngkeppni SAMVEST

Undankeppni söngkeppni Samfés (Samtaka félagsmiðstöðva á Íslandi) var haldin í Bolungarvík í gær. Sex atriði kepptu þar um að verða fulltrúar Vestfjarða/SAMVEST í landskeppninni, sem haldin verður 14. mars n.k. í Laugardalshöll í Reykjavík.

Ísfirðingarnir Hilda María Sigurðardóttir og Pétur Ernir Svavarsson sigruðu með lagið ,,We found love" sem söngkonan Rihanna gerði frægt, en íslenskan texta gerði Lísbet Harðardóttir. Pétur og Hilda sungu bæði, auk þess sem Pétur lék á píanó.

Í 2. sæti varð Kristín Helga Hagbarðsdóttir frá Bolungarvík og í 3. sæti urðu Erna Kristín Elíasdóttir, Emil Uni Elvarsson og Birnir Ringsted, einnig frá Bolungarvík. Dómarar voru þau Salóme Katrín Magnúsdóttir, Tuuli Rähni, Sigrún Pálmadóttir og Jón Jósep Snæbjörnsson.

Söngvakeppni Samvest (samtaka félagsmiðstöðva á Vestfjörðum) sem átti að fara fram í kvöld í félagsheimilinu í Bolungarvík, hefur verið frestað til morguns, laugardagsins 17. janúar kl. 19:30.

Af gefnu tilefni vill skjólahjúkrunarfræðingur benda á að þar sem lúsin er ennþá viðvarandi í skólanum er mikilvægt að foreldrar allra barna í skólanum haldi áfram að kemba næstu tvær vikur og þá alla fjölskyldumeðlimi.

Kemba þarf á fjögurra daga fresti næstu 2 vikur þ.e. á 1. degi, 5. degi, 9. degi og 13. degi.

Þessa viku er lestrarsprettur hjá okkur, þar sem allir eru hvattir til að lesa enn meira heldur en venjulega, bæði heima og í skólanum. Hægt er að útfæra lesturinn á ýmsan hátt t.d. með lestrarbingói eða paralestri og lesa jafnvel á öðrum stöðum en venjulega. Aðalatriðið er að njóta lestursins, en eins og allir vita þá er lestur bestur!

Hér í skólanum liggja gleraugu í óskilum. Eigandi getur nálgast þau hjá ritara skólans.

Nú er skólastarf hafið eftir langt og gott jólaleyfi. Við vonum að allir séu endurnærðir og tilbúnir að takast á við sín störf. Ekki skemmir fyrir að daginn er farið að lengja og styttist í að sólin láti sjá sig.

Það er alltaf eitthvað spennandi framundan í skólanum og nú eru krakkarnir í 10. bekk t.d. farnir að æfa gömlu dansana fyrir þorrablótið, sem haldið verður á bóndadaginn, 23. janúar n.k.

Þá fer einnig að líða að annaskilum með tilheyrandi námsmati, en vorönn hefst 26. janúar.

Starfsfólk Grunnskólans á Ísafirði óskar öllum gleðilegs árs. 

Mánudaginn 5. janúar er starfsdagur og hefst kennsla þriðjudaginn 6. janúar samkvæmt stundaskrá.