Í gær hélt 10. bekkur í sitt árlega skólaferðalag og var ferðinni heitið að Bakkaflöt í Skagafirði, líkt og síðustu ár. Næstu daga mun hópurinn njóta þess sem Skagafjörður hefur upp á að bjóða og fara í flúðasiglingar, klettaklifur, kayakferðir, sund og fleira. Heimkoma er áætluð á miðvikudag.
Þessa dagana funda þær Bryndís Bjarnason og Halla Magnadóttir í Split í Króatíu, ásamt öðrum samstarfsþjóðum í Erasmus+ verkefninu. Fjallað er um hvernig skólar geta aðstoðað börn sem hafa annað tungumál, við að læra og aðlagast skólasamfélaginu. Einnig skiptast kennarar á góðum hugmyndum og kennsluaðferðum.
Í dag fá nemendur unglingastigs valblað fyrir næsta vetur, sem skila á í síðasta lagi þriðjudaginn 24. maí n.k. Hægt er nálgast upplýsingar varðandi valið hér á síðu skólans.
Nemendur 5. - 7. bekkjar fengu einnig í hendur sitt valblað sem þau eiga að fylla út heima ásamt foreldrum og skila til kennara í síðasta lagi 26. maí n.k.
Í dag er síðasti formlegi skóladagur 10. bekkjar og bauð starfsfólk skólans árgangnum í kveðjukaffi af því tilefni. Næstu dagar eru prófdagar hjá krökkunum og n.k. sunnudag fara þeir svo í skólaferðalag norður á Bakkaflöt í Skagafirði.
Í morgun hittust 4. - 7. bekkur á sal skólans til að þakka vinaliðum vel unnin störf frá áramótum. Að því loknu fóru vinaliðarnir ásamt Árna Heiðari Ívarssyni, umsjónarmanni verkefnisins í bíó. Hópurinn er svo væntanlegur aftur í skólann um hádegisbilið.
Vinaliðaverkefnið hefur verið starfrækt hér við skólann í tvö ár og hefur það gengið vonum framar. Því er ætlað, samhliða góðum eineltisáætlunum, að draga úr einelti og auka vellíðan og samheldni nemenda í skólum. Helstu markmið verkefnisins eru að:
Nú er vorskipulagið orðið klárt með öllum sínum uppbrotsdögum og námsmati. Ef nemandi er fjarverandi þegar próf er lagt fyrir er meginreglan sú að prófið er ekki lagt fyrir nemandann. Kennari gefur þá einkunn sem miðast við ástundun og verkefnavinnu.
Vorskipulagið er hægt að nálgast hér.
Í gær kusu nemendur Daníel Wale Adeleye sem formann nemendafélags G.Í. næsta vetur. Varaformaður verður Ásthildur Jakobsdóttir, en þau eru bæði nemendur í 9. bekk. Við óskum þessum efnilegu nemendum til hamingju og velfarnaðar í sínum störfum.
Miðvikudaginn 11. maí kl. 8:40 verður aðalfundur nemendafélagsins haldinn í sal skólans. Fundinn sækja nemendur í 7. - 9. bekk og þeir sem eru í stjórn úr 10. bekk. Á dagskrá eru hefðbundin aðalfundarstörf ásamt inntöku nýrra félaga úr 7. bekk og framboða til formanns næsta vetrar. Kosning fer síðan fram í kennslustundinni á eftir eða kl. 9:40.
Grunnskólinn á Ísafirði á eina hugmynd sem komst áfram í nýsköpunarkeppni grunnskólanna. Hugmyndin sem var valin í úrslit er ,,Úti að leika app", en það eru tveir nemendur í 5. bekk þeir Ástmar Helgi Kristinsson og Sigurjón Dagur Júlíusson sem eiga hana.
Í ár bárust 1750 umsóknir í keppnina og er þetta því frábær árangur hjá drengjunum en einungis 27 hugmyndir komust áfram og var boðið að taka þátt í vinnusmiðju í Reykjavík og úrslitum NKG.
Við óskum þeim Ástmari Helga og Sigurjóni Degi innilega til hamingju og góðs gengis í vinnusmiðjunni. Um leið hvetjum við nemendur sem fara í 5. - 7. bekk næsta haust að halda vel utan um hugmyndirnar sínar og eiga þær fyrir keppnina á næsta ári.
Á morgun, fimmtudaginn 5. maí, er uppstigningardagur, einn af 15 lögbundnum frídögum almanaksársins. Þann dag er himnaför Jesú Krists minnst, 40 dögum eftir páska.
