Fögnum fjölbreytileikanum

Í dag flöggum við regnbogafánanum til að fagna fjölbreytileikanum í sinni víðustu mynd. Með því móti minnum við okkur á að allar manneskjur eiga rétt á að njóta sömu mannréttinda án tillits til uppruna þeirra, þjóðernis, litarháttar, trúarbragða, stjórnmálaskoðana, kynferðis, kynhneigðar, aldurs, efnahags, ætternis, fötlunar, heilsufars eða annarrar ómálefnalegrar stöðu. Umræður hafa skapast inni í bekkjum sem utan og finnst nemendum mikilvægt að fá að vera nákvæmlega eins og hver og einn vill. Það er enginn sem getur stöðvað mann í að vera maður sjálfur.