Skóli í dag
Skólinn verður opinn í dag, en ferðir strætó falla niður til hádegis.
Nú höfum við fengið upplýsingar um að strætó byrjar að ganga kl. 15:00.
Upplýsingasími hjá strætó er 8781012.
Skólinn verður opinn í dag, en ferðir strætó falla niður til hádegis.
Nú höfum við fengið upplýsingar um að strætó byrjar að ganga kl. 15:00.
Upplýsingasími hjá strætó er 8781012.
Ísafjarðarbær hefur gefið út viðmið um hvenær loka eigi stofnunum vegna óveðurs. Þar kemur m.a. fram að stofnunum bæjarins sé ekki lokað nema algjöra nauðsyn beri til og getur forstöðumaður lokað stofnun af einni eða fleirum af eftirtöldum ástæðum:
Foreldrar eru hvattir til að fylgjast með veðurspám og fréttum af veðri. Skóla verður ekki aflýst nema tilmæli komi frá Almannavörnum eða lögreglu. Komi ekki tilmæli frá Almannavörnum eða lögreglu verða foreldrar að meta hvort óhætt sé að börn þeirra sæki skóla. Ef foreldrar hafa börn sín heima þá skulu þeir tilkynna skólanum um það og lítur skólinn á slík tilvik sem eðlileg forföll. Hið sama gildir ef foreldrar lenda í vandræðum á leið sinni til skóla og verða frá að hverfa.
Strætisvagnar Ísafjarðarbæjar hafa tekið í notkun talhólfsnúmer, 8781012, þar sem fram kemur hvort og þá hvaða ferðir falla niður.
Foreldrar eru einnig hvattir til að fylgjast vel með á heimasíðu almannavarna.
Í kvöld er lokasýning leiklistarvals skólans á leikritinu Ársæll Veru- og Friðfinnsson & hið fjarstæðukennda mál, eftir Michael Maxwell, í þýðingu og leikstjórn Hörpu Henrysdóttur.
Sýningin hefst kl. 20:00 í sal skólans og er aðgangseyrir kr. 1.000, en ágóði rennur í sérstakan sjóð sem ætlaður er til að endurnýja tæki og tól sem nýtast við sviðslistir í skólanum.
Á morgun er fullveldisdagurinn, 1. desember. Þann dag árið 1918 tóku sambandslögin gildi, en samkvæmt þeim varð þjóðin fullvalda. Í tilefni dagsins hefur sú hefð skapast hér í skólanum að unglingar og starfsfólk klæðist ,,betri" fötum. Yngri nemendum er einnig frjálst að taka þátt í þessari hefð ef þeir kjósa svo.
Þennan dag er venjan sú að hafa svokallaðan ,,opinn dag", en þá eru foreldrar boðnir í heimsókn, hvenær sem er dagsins, líta við í kennslustofum og sjá hvað nemendur eru að sýsla. Foreldrar eru að sjálfsögðu alltaf velkomnir í heimsókn, en sérstaklega þennan dag.
Föstudaginn 27. nóvember kl. 20:00 frumsýnir leiklistarval skólans leikritið Ársæll Veru- og Friðfinnsson & hið fjarstæðukennda mál, eftir Michael Maxwell, í þýðingu og leikstjórn Hörpu Henrysdóttur. Fjölmargir nemendur koma að sýningunni á einn eða annan hátt og hafa æfingar verið stífar undanfarnar vikur.
Frumsýningin er einungis ætluð nemendum skólans, enda er leikritið hluti af 1. des. hátíð þeirra. Önnur sýning er laugardaginn 28. nóvember kl. 15:00 í sal skólans og er aðgangseyrir kr. 1.000.
Bætt hefur verið við aukasýningu miðvikudaginn 2. desember kl. 20:00.
Ágóðinn af sýningunni rennur í sérstakan sjóð sem ætlaður er til að endurnýja tól, tæki og búnað sem nýtist við sviðslistir í skólanum.
Næstu tvær vikurnar verður lestrarsprettur hér í skólanum og vonumst við til að heimilin geri slíkt hið sama. Til eru ýmsar leiðir til þjálfunar og bendum við foreldrum á að hafa samband við kennara til að fá hugmyndir að slíkum leiðum.
Að lestrarspretti loknum verða hraðlestrarpróf, þ.e. í vikunni 7. - 11. desember n.k.
Í haust var sett upp tvenns konar val í heimilisfræði fyrir unglinga í 9. og 10 bekk. Í öðru valinu er áherslan meiri á eldamennsku en það valfag kallast Mannsins megin. Hitt nefnist Allt í köku, en eins og nafnið ber með sér er bakstur aðal viðfangsefnið þar. Stærsta verkefnið í því valfagi er sykurmassakaka sem krakkarnir gera alveg frá grunni, baka, laga krem og sykurmassa og skreyta. Í dag fóru nemendur heim með kökurnar sínar. Eins og sjá má á meðfylgjandi mynd var útkoman frábær - alls konar kökur sem báru vitni um listræna hæfileika og sköpunargleði.
Á aðventunni munu svo krakkarnir í hinum valhópnum spreyta sig á hinum árlegu piparkökuhúsum. Hér má sjá fleiri myndir af þessum girnilegu kökum. /GJ
Evrópuráðið hefur tekið ákvörðun um að helga 18. nóvember baráttu gegn kynferðislegu ofbeldi og kynferðislegri misneytingu barna. Tilgangurinn er að stuðla að aukinni umræðu og samfélagsvitund um kynferðislegt ofbeldi gegn börnum og að kynna samning Evrópuráðsins um vernd barna gegn kynferðislegri misneytingu og kynferðisofbeldi, svonefndan Lanzarote samning.
Evrópuráðið hefur í tilefni dagsins gefið út teiknimynd sem er um 3 mínútur að lengd og var unnin í samráði við hóp barna. Myndin er með einföldum og aðgengilegum boðskap fyrir börn á aldrinum 9 – 13 ára. Börn eru hvött til þess að leita til einhvers sem þau treysta ef þau eða einhver sem þau þekkja hefur verið eða er beittur ofbeldi. Myndin er með íslensku tali, með leyfi Evrópuráðsins, og verður sýnd nemendum 4. - 7. bekkjar G.Í. í dag. Með því móti leggur skólinn sitt að mörkum til að leiðbeina börnum sem kunna að vera í viðkvæmri stöðu og stuðlar jafnframt að aukinni samfélagsvitund um kynferðisofbeldi gegn börnum.