Samráðsdagur/Foreldradagur

Þriðjudaginn 10. febrúar er samráðsdagur, þar sem forráðamenn og nemendur mæta til umsjónarkennara á fyrirfram völdum tíma. Skráning er nú hafin á Mentor og hvetjum við alla til að skrá sig sem fyrst. Engin kennsla er þennan dag.

Foreldraviðtölin eru nú orðin nemendastýrð hjá okkur samkvæmt hugmyndafræði leiðsagnarnáms, sem aðalnámskrá grunnskóla leggur áherslu á. Nemendastýrðum foreldraviðtölum er ætlað að virkja og valdefla nemendur með það að markmiði að auka trú þeirra á eigin getu. Nemendur hafa undirbúið viðtölin og valið verkefni til að sýna og kynna fyrir forráðamönnum, ásamt þeirri hæfni sem þjálfuð var við vinnuna.