VALMYND ×

Öryggisbrestur í Mentor

Föstudaginn 15.02.2019 barst tilkynning frá InfoMentor ehf. um veikleika í Mentor kerfinu. Í ljós kom að upplýsingar um kennitölu og forsíðumynd nemenda  í ákveðnum skólum voru sóttar í Mentor kerfið af aðila sem ekki hafði til þess heimild. Viðkomandi aðila var þetta mögulegt vegna veikleika í kerfinu. 

Um leið og Mentor varð veikleikinn ljós var hafist handa við að greina og lagfæra vandann. Veikleikinn hefur verið fundinn og var lagfærður kl 10:00 mánudaginn 18. febrúar. Sannreynt hefur verið að ekki sé um að ræða neinar aðrar upplýsingar en kennitölu og mynd. 

Grunnskólinn á Ísafirði var einn af þeim skólum sem um ræðir og hefur foreldrum viðkomandi barna verið gert viðvart. Persónuverndarfulltrúi Ísafjarðarbæjar hefur tilkynnt málið til Persónuverndar, sem er með málið til meðferðar.

Deila