VALMYND ×

Fréttir

Jólaleyfi

Í morgun voru litlu jólin haldin hátíðleg og áttu nemendur og starfsfólk góða samverustund. Þar með hófst jólaleyfið, en kennsla hefst aftur þriðjudaginn 6. janúar 2015.

 

Starfsfólk Grunnskólans á Ísafirði óskar nemendum, fjölskyldum þeirra og öllum öðrum velunnurum gleðilegrar hátíðar og þakkar samstarfið á árinu sem er að líða.

 

Hér má sjá jólakveðju frá G.Í.

 

Síðasta vikan fyrir jólaleyfi

Bókajólatréð á bókasafni skólans er tilbúið fyrir litlu jólin
Bókajólatréð á bókasafni skólans er tilbúið fyrir litlu jólin

Nú fer í hönd síðasta vikan fyrir jólaleyfi. Kennsla verður með nokkuð hefðbundnum hætti fram á miðvikudag, en á fimmtudag verður skreytingadagur, þar sem nemendur skreyta kennslustofur sínar fyrir litlu jólin.

Á föstudag verða litlu jólin frá kl. 9:00 - 12:00. Þá mæta allir spariklæddir í sínar umsjónarstofur og eiga notalega stund, skiptast á jólapökkum, fara í leiki, borða smákökur og syngja og dansa kringum jólatréð í nýja anddyri skólans.

Strætó fer kl. 12:05 þennan dag og þar með hefst jólaleyfið.

Nemendum 5. bekkjar færðar bækur að gjöf

Grunnskólinn á Ísafirði færði nemendum 5. bekkjar Kortabók handa grunnskólum að gjöf nú í haust, en ný útgáfa kom út haustið 2012. Bókin er sem fyrr unnin í samstarfi við Liber - útgáfuna í Stokkhólmi en Íslandskort eru að mestu fengin frá Landmælingum Íslands og Jean-Pierre Biard kortagerðarmanni. Á bókarkápu er kort Guðbrands biskups Þorlákssonar sem kom út í hollensku kortasafni árið 1590. Kortið var lengi undirstaða þeirra myndar sem birtist af landinu, skreytt fjölda mynda af ófreskjum og sæskrímslum og er skemmtilegt að bera það saman við nútíma kort og myndir.

Það er ósk skólans að bókin nýtist nemendum vel í öllu frekara námi, enda um mjög eigulega bók að ræða.

Bókakynning

Síðastliðinn föstudag kom leikskólakennarinn og rithöfundurinn Dagbjört Ásgeirsdóttir í heimsókn í 3. bekk og las nýjustu bókina sína, Gummi fer í fjallgöngu.  Krakkarnir nutu þess að fá bókina lesna og skoða myndirnar.  Einnig var gaman að fá að spyrja rithöfundinn spjörunum úr, ekki oft sem slík tækifæri gefast.

Dagbjört er Bolvíkingur og er bókin Gummi fer í fjallgöngu fjórða bók hennar og jafnframt fjórða bókin í bókaröðinni um félagana Gumma og Rebba. Í bókinni kynnist Gummi dvergunum Alreki og Báreki og einnig tröllkarlinum Bjálfa, sem dvergarnir leggja í einelti. Þegar móðir Bjálfa, illskeytt skessa sem svífst einskis, hremmir Gumma með klóm sínum er voðinn vís. 

Aðventustund hjá 1. bekk

1 af 2

Nú á aðventunni hittast báðar bekkjardeildir 1. bekkar einu sinni í viku og halda aðventustund. Þá er kveikt á aðventukertum, fræðst um aðventuna, sungnir jólasöngvar og hlustað á jólasögu. Þessar stundir eru mjög notalegar í rökkrinu. Síðastliðinn fimmtudag bauð árgangurinn vinum sínum á leikskólanum Eyrarsól að koma og njóta þessarar stundar með þeim. Í lok stundarinnar var boðið upp á piparkökur og djús og nutu krakkarnir samverunnar.

Vinaliðum þökkuð vel unnin störf

Vinaliðar voru kallaðir upp á svið
Vinaliðar voru kallaðir upp á svið
1 af 3

Í morgun var síðasti starfsdagur vinaliða á þessari önn. Af því tilefni voru allir nemendur 4. - 7. bekkjar kallaðir á sal og vinaliðum þakkað sérstaklega fyrir vel unnin störf, auk þess sem öllum öðrum nemendum voru færðar þakkir fyrir góðar viðtökur vinaliðaverkefnisins. Að því loknu var vinaliðum boðið í sundferð til Bolungarvíkur og er hópurinn væntanlegur í skólann aftur um hádegið.

Eftir áramót verður nýr hópur vinaliða kosinn, en vinaliðaverkefnið snýst um það að setja upp leikstöðvar í frímínútunum hjá 4. - 7. bekk og stjórna vinaliðar því að allt fari vel fram á hverri stöð. Verkefnið hófst í október s.l. og hefur tekist afar vel og er það ekki síst að þakka öllum nemendum, sem hafa tekið verkefninu mjög vel. Tilgangurinn er að allir finni eitthvað við sitt hæfi í frímínútunum og enginn verði afskiptur.

Skólastarf með eðlilegum hætti

Skólinn er kominn í jólabúninginn eins og sjá má
Skólinn er kominn í jólabúninginn eins og sjá má

Í dag er óveðrið gengið niður og skólastarf með eðlilegum hætti. Aðventan setur sterkan svip á skólastarfið, með jólatónum og margskonar föndri og jólaundirbúningi.

Skóla aflýst

Skólahald fellur niður í skólanum í dag, miðvikudag, vegna veðurs.

Óveður í aðsigi

Vegna afar slæmrar veðurspár hvetjum við foreldra til að vera vel á verði og gera ráðstafanir til að yngstu börnin verði sótt í skólann klukkan 13.40, ef þeir hafa nokkur tök á því.  Dægradvöl verður opin eins og vanalega en foreldrum er bent á að kynna sér veðurspá vel.

Lýðræðisverkefni skólans fer víða

Mynd frá nemendaþinginu sem haldið var í fyrrahaust.
Mynd frá nemendaþinginu sem haldið var í fyrrahaust.

Nemendaþing var haldið hér í skólanum 1. október 2013 og tókst afar vel. Tilgangurinn með þinginu var að efla vitund nemenda um eigin ábyrgð í skólastarfinu og fá fram sjónarhorn þeirra á hlutverk aðila skólastarfsins og hvað hver og einn getur gert til að hafa jákvæð áhrif á daglegt starf í skólanum.

Í janúar á þessu ári fóru þær Sveinfríður Olga Veturliðadóttir, skólastjóri og Guðríður Sigurðardóttir, kennari, á ráðstefnuna ,,Norden viser vej - udforinger og styrker i de nordiske uddannelser" eða Áskoranir og styrkur í norænni menntun, sem fram fór í Kaupmannahöfn í Danmörku, þar sem þær þáðu boð um að kynna nemendaþingið. 

Nú í nóvember s.l. flutti svo Jóna Benediktsdóttir, aðstoðarskólastjóri, þetta lýðræðisverkefni á haustráðstefnu Félags áhugafólks um skólaþróun sem haldin var í Framhaldsskólanum í Mosfellsbæ.

Hér má nálgast þá kynningu.